असार महिना मानो रोपि मुरी फलाउने महिना
चर्चामा आउन नक्कली किसान कलाउने होइन ?

म वास्तविक किसान हुँ मलाई भ्याई नभ्याई छ
कति पसिना बगाउछु कति दुख छ रमाउने होइन ?

रमिते बन्छन रमाउँछन एकदिन मेरो सधैको दुखमा
आज नि मन्त्रीले गमलामा धान रोपेर मनाउने होइन ?

भाषणमा मात्र कृषि समृद्धि र कृषि आधुनिकता कुरा
आत्मनिर्भरताका लागि हजारौं टन धान फलाउने होइन ?

धान दिवसको अबसर पारी कृषक बनी दिवसै मनाउनलाई
आज टाइसुट सुरक्षाकर्मी आलिमा राखी हलो समाउने होइन ?

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।