काठमाडौँ – नायिका रेखा थापाले निर्माण गर्ने नयाँ फिल्म भदौ दोस्रो साताबाट छायांकन हुने भएको छ । बैशाखबाट फ्लोरमा जाने भनिएको अनटाइटल फिल्म अब भदौ दोस्रो साताबाट हुने रेखाले बताएकी छिन् ।
रेखा भन्छिन् -‘कहिले सम्म डराएर बस्ने ? प्राविधिक देखि कलाकार सम्मको रोजिरोटी बन्द हुन लागि सकेको छ । सावधानी अपनाएर हरेक क्षेत्र सकृय हुन जरुरी छ । लापरवाही गरे आफैलाई हानी हुने कुरा हो ।’
फिल्म छायांकनमा जान उचित बातावरण हुनु पर्ने र सरकारले पनि फिल्म छायांकनमा जानलाई विषेश सहयोग गर्नु पर्ने रेखाले बताएकी छिन् ।
रेखा र सौगात मल्लको मुख्य भुमिका रहने फिल्मलाई सबिर श्रेष्ठले निर्देशन गर्नेछन् । अब, फिल्मको कथामा भने केही फेरबदल हुने रेखाको भनाई छ । विदेशमा अलपत्र परेको युवा र समग्र बेरोजगार युवाको कथा फिल्ममा समेटिनेछ । लक्ष्मी पुजामा रिलिज हुने भनिएको फिल्मको नयाँ रिलिज मिति भने तय भएको छैन ।
कोरोना महामारीका कारण धेरै फिल्मको रिलिज मिति र छायांकन रोकिएको थियो । रोकिएका फिल्मको रिलिज मिति र छायांकन मिति तय हुन सकिरहेको छैन । हाल लकडाउन केही मात्रामा खुकुलो भएको छ । अब फिल्म क्षेत्र पनि चलायमान हुने देखिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
