दंगीशरण गाउँपालिका वडा नम्बर ५ मा बीस जना ज्येष्ट नागरिकलाई सम्मान गरिएको छ । ज्येष्ठ नागरिकले समाजमा गरेको योगदानको कदर गर्दै वडाले सम्मान गरेको हो ।
वडाध्यक्ष दीपक गौतमको अध्यक्षतामा भएको कार्यक्रममा ज्येष्ठ नागरिकलाई सम्मान गरिएको हो । अध्यक्ष गौतमले समाजमा अमूल्य योगदान पु¥याएका ज्येष्ठ नागरिकको स्वागत गर्न पाउँदा खुशी लागेको बताउनुभयो । ज्येष्ठ नागरिकले पनि सम्मान गरिएकोमा खुशी व्यक्त गरेका थिए ।
ज्येष्ठ नागरिक टोपराज आचार्यले पछिल्लो समयमा सरकारले भत्ता बढाउँदै आफूहरुलाई सम्मान गर्दै गएकाले थप बाँच्ने आशा पलाएको र खुशी लागेको बताउनुभयो ।
वडा सदस्य खिमबहादुर थापाको स्वागत मन्तव्यबाट शुरु भएको कार्यक्रम सञ्चालन वडा सचिव प्रेमप्रकाश चौधरीले गर्नुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
