रोल्पाको लुङग्री गाउँपालिकाले लकडाउनका कारण पढ्न नपाएका विद्यार्थीका लागि रेडियो शिक्षा कार्यक्रम सुन्न सहज होस् भनेर रेडियो हस्तान्तरण गरेको छ ।
सामाुदायीक रेडियो मालश्रीबाट रेडियो शिक्षा कार्यक्रम बैशाख १५ गतेदेखि सञ्चालनहुँदै आएकोमा धेरै विद्यार्थीले रेडियोको अभाव भएको बताएपछि रेडियो वितरण गरिएको लुङग्री गाउँपालीकाका अध्यक्ष दुर्गावहादुर खड्काले जानकारी दिनुभयो ।
हरेक दिन विहान १० वजे देखि ११ बजे सम्म रेडियो शिक्षा कार्यक्रममार्फत एसइइको तयारी कक्षा सञ्चालन भइरहेको । अङ्ग्रेजी, गणित र बिज्ञान विषय पढाई भइरहेको छ । अप्रत्यक्ष रूपमा पढाई हुने हुदा कसैसँग रेडियो हुनसक्ने, कसै संग नहुनसक्ने भएकाले गाउँपालिका भित्र रहेका सात वटा वडाका सात माध्यमिक बिधालयका ३ सय ३५ बिद्यार्थीलाई एक एक पिस रेडियो र सात वटा विधालयलाई सात वटा गरी ३ सय ४२ वटा रेडियो निःशुल्क वितरण गरिएको अध्यक्ष खत्रीले जानकारी दिनुभयो ।
रेडियो वितरण कार्यक्रममा गाउँपालीका उपाध्यक्ष भिमकला वुढाथोकी, प्रमुख प्राशासकीय अधिकृत रविन्द्रप्रसाद चौधरी, शिक्षा प्रमुख पूर्णप्रसाद उपाध्याय, सरस्वति मावि लुङग्री १ पाङ दाइवाङ प्रअ उमेश पुन, गोकुल मावि लुङग्री २ सिर्पका प्रअ गणेश रिजाल, सामाजिक मावि लुङग्री ३ धनेखर्क जुतुङ खोलाका प्रअ खगेन्द्रबहादुर खड्का, गौरीशंकर मावि लुङग्री ४ ठूलोनम्जाका प्रअ तुलबहादुर खड्का, व्रहाक्षेत्र मावि लुङग्री ५ किलाचौरका प्रअ पूर्णचन्द्र खड्का, जनज्योति मावि लुङग्री ६ गुम्चालका निमित्त प्रअ तिलक केसी र नेरा मावि लुङग्री ७ हार्जङका निमित्त प्रअ निमवहादुर थापा लगायतको उपस्थिति रहेको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
