जिल्लाको मुसीकोट नगरपालिकाले बिश्वभरी माहामारीको रुपमा फैलिरहेको नोबेल कोरोना भाइरस (कोभिड –१९)को रोकथाम तथा नियन्त्रणको दायरालाई थप फराकिलो बनाउन वडा नम्बर १२ को पुरिनचौरमा पनि स्वास्थ्य सहायता केन्द्र स्थापना गरेको छ ।
नगरपालिकाका सबै वडामा स्वास्थ्य चौकी तथा केन्द्रहरु स्थापना गर्ने सरकारको लक्ष्य अनुसार वडा नम्बर १२ को पुरिनचौरमा पनि स्वास्थ्य सहायता केन्द्र स्थापना गरिएको हो ।
कोरोना भाइरसको (कोभिड –१९)को रोकथाम तथा नियन्त्रणको दायरालाई थप फराकिलो बनाउदै लिएको र त्यसको रोकथाम तथा नियन्त्रणको दायरालाई थप फराकिलो बनाउदै लिने क्रममा नगरपालिकाले वडा नम्बर १२ मा स्वास्थ्य सहायता केन्द्र स्थापना गरि बाहिरबाट आएका र गाउँघरमै पनि ज्वरो आउने टाउको दुख्ने वा पखला लाग्ने अथवा फ्लुको लक्षण देखिएमा जो कसैलाई पनि स्वास्थ्य चेकजाँच गर्न थालेको बताइएको छ ।
स्वास्थ्य सहायता केन्द्र स्थापनाको पहिलो दिन वडा नम्बर १२ को पुरिनचौरमा १५ जनाको स्वास्थ्य चेकजाँच गरिएको र ति सबैको अबस्था सामान्य रहेको उक्त स्वास्थ्य सहायता केन्द्रकी अहेब यशोदा केसीले जानकारी दिनुभयो । उहाँका अनुसार स्वास्थ्य सहायता केन्द्र स्थापनाको पहिलो दिन वडा अध्यक्ष प्रेमबहादुर ओली लगायत वडा नम्बर १२ का सबै जनप्रतिनीधिहरु र वडा सचिबको समेत स्वास्थ्य चेकजाँच गरिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
