विभिन्न बहानामा लकडाउन उल्लंघन हुन थालेपछि घोराहीमा प्रहरीले अत्यावश्यकीय कामबाहेक हिडेकाहरुलाई ‘स्टिकी क्याच’बाट पक्राउ गर्न थालेको छ ।
वडा प्रहरी कार्यालय घोराही आफैले निर्माण गरेको स्टिकी क्याचको सहायताले समात्न थालिएको हो । आज मात्रै ८ जनालाई यो लट्ठीको सहायताले पक्राउ गरिएको वडा प्रहरी कार्यालय घोराहीका प्रमुख प्रहरी निरीक्षक दिनेश रिमालले जानकारी दिनुभयो ।
उहाँले डिजाइन दिएर यो उपकरण ग्रील उद्योगमा बनाउन दिनुभएको थियो । त्यसमध्ये एउटा वडा र एउटा जिल्ला प्रहरी कार्यालयमा राखिएको छ । अझ अरु पनि निर्माण गरेर लकडाउन प्रभावकारी बनाउने उहाँले जानकारी दिनुभयो ।
बाटोमा हिडिरहेकाहरु कोरोना भाइरसबाट संक्रमित पनि हुनसक्ने भएकाले सोझै समात्दा प्रहरीमा पनि संक्रमण हुने खतरा रहने भएकाले यो लट्ठीको सहायताबाट समात्दा सुरक्षित हुने विश्वास गरिएको छ । अनावश्यकरुपमा धेरै मान्छे सडकमा हिड्दा लकडाउन प्रभावकारी नहुने भएकाले यस्तो उपाय अपनाइएको प्रहरी निरीक्षक रिमालले जानकारी दिनुभयो ।
तस्विरः कुलदीप न्यौपाने
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
