लकडाउनका कारण दाङमा रगतको चरम अभाव देखिएपछि रक्तदान बिशेष अभियान शुरु गरिएको छ । नेपाल कम्युनिष्ट पार्टी (नेकपा)को आव्हानमा अभियान शुरु गरिएको हो ।
अभियानको शुरुवात गर्दै नेकपाका केन्द्रीय सदस्य एवं प्रदेशसभा सदस्य इन्द्रजीत थारुले रक्तदान बिशेष अभियान उद्घाटन गर्नुभएको थियो ।
दोस्रो दिन नेकपानिकट अनेरास्ववियूको पहलमा एकै दिन ५२ जनाले रक्तदान गरेका छन् ।
रक्तदानका लागि मोबाइल अभियान चलाइएको थियो ।
रक्तदाता भएकै ठाउँमा पुगेर अभियान चलाइएको संगठनका जिल्ला संयोजक जंग रोकाले जानकारी दिनुभयो ।
दोस्रो दिनको अभियानको शुरुवात नेकपाका जिल्ला सचिवालयका सदस्य विवेक श्रेष्ठले रक्तदान गरी गर्नुभएको थियो ।
अभियानका लागि रक्तदाता एवं युवा समाजसेवी नरेन्द्र पुनले गाडी सहयोग गर्नुभएको थियो ।
त्यस्तै उज्यालो बिहानी फाउन्डेसमार्फत १० र त्रिभुवननगर जेसिजको अगुवाइमा १० जनाले रक्तदान गरेका छन् । योसँगै आज मात्रै एकै दिन ७२ पिन्ट रगत प्राप्त भएको रक्तसञ्चार सेवा केन्द्र घोराहीका प्रमुख दिलिप न्यौपानेले जानकारी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
