नेपाल कम्युनिष्ट पार्टी (नेकपा) घोराही १७ ले कटहीमा सहिदपरिवार, घाइते तथा अपांगता भएका २५ जनालाई सम्मान गरेको छ ।
सहिद सप्ताहको अवसरमा सहिद परिवारलाई सम्मान गरिएको हो । जनयुद्धका पहिलो सहिद दिलबहादुर रम्तेल मारिएको फागुन १४ गतेदेखि सुखानी हत्याकाण्ड फागुन २१ गतेसम्मलाई समेटेर नेकपाले हरेक बर्ष सहिद सप्ताह मनाउँदै आएको छ । तत्कालीन माओवादीले जनयुद्धकालदेखि नै सहिद सप्ताह मनाउँदै आएकोमा एकतापछि नेकपाले सहिद सप्ताह मनाउन थालेको छ ।
वडा पार्टी अध्यक्ष पदमबहादुर केसीको अध्यक्षतामा भएको कार्यक्रममा प्रमुख अतिथि नेकपाका केन्द्रीय सदस्य निर्मल आचार्यले सहिदहरुकै रगतका कारण अहिले गणतन्त्र आएको बताउनुभयो ।
गणतन्त्रका लागि चलेको जनयुद्ध र अन्य आन्दोलनहरुमा हजारौं सहिदले रगत बगाएकै कारण गणतन्त्र, संघीयता, धर्मनिरपेक्षता र समानुपातिक÷समावेशिता संभव भएको भन्दै उहाँले क्रान्तिका उपलिब्ध संस्थागत गर्दै जनताको जीवन रुपान्तरण आजको आवश्यकता भएको बताउनुभयो ।
कार्यक्रममा प्रदेश सचिबालय सदस्य लक्ष्मण आचार्य, लुमाकान्त न्यौपाने‘सागर’, जिल्ला कार्यालय सदस्य सुरामणि बेलबासे, जिल्ला सचिवालय सदस्य तथा नगर सचिव प्रमोद शर्मालगायतले बोल्नुभएको थियो ।
वडा अध्यक्ष खुशीराम चौधरीको स्वागत मन्तव्यबाट शुरु भइको कार्यक्रम सञ्चालन वडा सदस्य रेवन्ता पुनले गर्नुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
