गृहजिल्ला नुवाकोटमा बोगटीको शालिक निर्माण, प्रचण्डद्वारा अनावरण

प्रकाशित मिति :  २७ माघ २०७६, सोमबार

सिस्ने अनलाइन

नेपाल कम्युनिस्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ ले आफ्ना पूर्व सहकर्मि दिवंगत नेता पोष्टबहादुर बोगटीको शालिक अनावरण गरेका छन् ।

नुवाकोटको विदुर नगरपालिका ७ तुप्चे पुगेका अध्यक्ष प्रचण्डले सोही स्थानमा निर्माण भएको दिवंगगत नेता पोष्ट बहादुर बोगटीको शालिक अनावरण गरेको हुन् । सो अवसरमा अध्यक्ष प्रचण्ड र मन्त्री पुनले श्री चण्डेश्वरी मा.वि. को अभिभावक भेला लाई सम्बोधन गरे ।

मुलुक परिवर्तनमा अग्रणी भूमिका निर्वाह गरेका स्व।नेता पोष्ट बहादुर बोगटीको उनकै जन्मथलोमा शालिक निर्माण गरिएको छ । १५ लाख लागतमा निर्मीत शालिक सगै चौतारा पनि निर्माण गरिएको छ ।

बिभिन्न संघ संस्था, बिदुर नगरपालीका, वडा कार्यलय , स्थानिय युवा क्लबहरु लगाएतको आर्थिक सहयोगमा २ महिनामा नै सो शालिक निर्माण भएको निर्माण कमिटीक अध्यक्ष कल्पना रिमालले जानकारी दिइन् ।

यसैबीच अध्यक्ष प्रचण्डले सोमबार नुवाकोटकै एक सामुदायिक विद्यालयको समेत उद्घाटन गरेका छन् । भारत सरकारद्वारा निर्मित नुवाकोटको किस्पाङ्मा ऐँसेलुभूमे माध्यमिक विद्यालयको भवन सोमवार उद्घाटन गरेका हुन् । नयाँ संरचनाको भवनमा तीनवटा ब्लकहरु निर्माण भएको छ भने यस विद्यालयको तीनतले शैक्षिक भवनमा ६ वटा कक्षाकोठा रहेका छन् ।

दुई तले शैक्षिक भवनमा चारवटा कक्षाकोठाका साथै फर्निचर र छात्र छात्राका लागि छुट्टै शौचालयको सुविधा रहेको छ । शिक्षा मन्त्रालयको केन्द्रिय आयोजना कार्यान्वयन इकाईले सो परियोजनाको कार्यान्वयन गरेको नेपालस्थित भारतीय दूतावासले जारी गरेको विज्ञप्तिमा उल्लेख छ । उद्घाटन समारोहमा उर्जा, जलस्रोत तथा सिञ्चाइ मन्त्री वर्षमान पुनको पनि उपस्थित थियो । दूतावासको तर्फबाट दूतावासको पूनर्निर्माण प्रभागका प्रथम सचिव सुचिता किशोरको पनि उपस्थिति थियो ।

Facebook Comments