आफ्नै श्रीमतीलाई कुटपिट गरी हत्या गरेको अभियोगमा गिरफ्तार

प्रकाशित मिति :  २७ माघ २०७६, सोमबार

जयमान बुढा मगर

आफ्नै ६० वर्षीया श्रीमती दिलमाया पुनलाई कुटपिट गरी हत्या गरेको अभियोगमा भूमे गाउँपालिका–३ सीमाका ७५ वर्षीय नरबहादुर पुनलाई सोमबार प्रहरीले गिरफ्तार गरेको छ ।

आइतबार दिउँसो पुनले मादक पदार्थ सेवन गरी श्रीमतीलाई कुटपिट गरी गम्भीर घाइते बनाएका थिए ।

उक्त खबर प्राप्त हुनासाथ ईलाका प्रहरी कार्यालय काँक्रीबाट खटिएको प्रहरीले पुनलाई गिरफ्तार गरी जिल्ला प्रहरी कार्यालयमा बुझाएको हो । कुटपिटबाट गम्भीर घाइते भएकी दिलमायाको जिल्ला अस्पताल रुकुमकोटमा उपचारको क्रममा सोमबार मृत्यु भएको जिल्ला प्रहरी प्रमुख प्रहरी नायब उपरीक्षक गजुसिद्धि बज्राचार्यले बताउनुभयो ।

आरोपितलाई गिरफ्तार गरी अनुसन्धान भइरहेको डिएसपी बज्राचार्यले जानकारी दिनुभयो । मृतकको पोष्टर्माटम सोमबार जिल्ला अस्पताल रुकुमकोटमा गरिएको छ ।

Facebook Comments