रुकुम खुल्ला पुरुष डबल ब्याडमिन्टन प्रतियोगिताको सेमिफाईनल समिकरण पुरा भएको छ । विभिन्न जिल्लाका ६१ वटा टीमले सहभागिता जनाएकामा सुर्खेतको खगेन्द्र थापा र नगेन्द्र थापामगर तथा युवाराज गुरुङ र कृष्ण रानामगर सेमिफाइन प्रवेश गरेका छन् ।
त्यस्तै बुटवलको विनोद पौडेल र राजु थापा तथा शसस्त्र प्रहरी बल एपिएफको निराजन देवकोटा र बिशाल प्रधानको जोडि पनि प्रतियोगिताको सेमिफाईनलमा प्रवेश गरेकोल छ ।
सेमिफाईनलमा सुर्खेतका दुइ जोडि र बुटवल र एपिएफको जोडिले प्रतिस्पर्धा गर्ने छन् । सेमिफाईनल र फाईनल खेल भोलि बिहान हुने छ । प्रतियोगितको विजेताले नगद ५१ हजार, ट्रफि, मेडल र प्रमाण पत्र प्राप्त गर्ने छ ।
त्यस्तै उप–विजेताले नगद ३१ हजार, ट्रफि, मेडल र प्रमाण पत्र प्राप्त गर्दा सान्त्वना दुइ टोलीले नगद ११÷११ हजार सहित मेडल र प्रमाण पत्र प्राप्त गर्ने आयोजक जिल्ला ब्याडमिन्टन संघले जनाएको छ ।
नेपाल भ्रमण वर्ष र घुमौं कर्णाली कार्यक्रममा सफल पार्न सहयोग गर्ने र जिल्लाको ब्याडमिन्टन विकासका लागि प्रतियोगिता आयोजना गरिएको अध्यक्ष अनिल बुढामगरले जानकारी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
