गीतकार रमेश दाहाललाई गृहजिल्ला दोलखामा साहित्यिक सम्मानबाट सम्मानित गरिएकोछ ।
वरिष्ट पत्रकार तथा साहित्यकार चिरञ्जीवी मास्केले आफ्ना जन्मदिने आमा बिष्णुलक्ष्मी र कर्मदिने आमा तुलसीमाया मास्केको सम्झनामा आठबर्ष अगाडि स्थापना गर्नुभएको विष्णुलक्ष्मी÷तुलसीमाया साहित्य सम्मान २०७६ बाट दाहाल सम्मानित हुनुभएको हो ।
यो सम्मान दोलखा जिल्लाबाट साहित्यमा कलमचलाई राष्ट्रियस्तरमा निरन्तरता दिएका साहित्यकारहरुलाई प्रदान गरिन्छ।रमेशले बिगत लामो समयदेखि नेपाली गीति लेखनका माध्यमबाट नेपाली गीत सँगीतको उन्नतीका लागि काम गर्दै आउनुभएको छ ।
चरिकोटमा आयोजना गरिएको सम्मान कार्यक्रममा दाहाललाई नगदसहित सम्मानपत्र प्रदान गरिएको थियो। कार्यक्रममा गाउँ तथा नगरपालिकाहरुबाट पालिकाप्रमुख, उपप्रमुख, कर्मचारी, सुरक्षाकर्मी, शिक्षक, साहित्यिकार तथा पत्रकारहरुको बाक्लो उपस्थिति थियो।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
