रुकुममा माओवादी जनसरकारले पाए मान्यताः गाउँमै पुगेर धमाधम जनसत्ताका लिखत पास

प्रकाशित मिति :  २८ पुष २०७६, सोमबार

सिस्ने अनलाइन


माओवादीले सञ्चालन गरेको दश बर्षे जनयुद्धका क्रममा जनसत्ताले गरेको घरजग्गाको लिखत युद्धप्रभावित जिल्लाहरुमा ठूलो टाउको दुखाइको बिषय बनेको थियो । तर, रुकुमपश्चिममा यो समस्या सहज समाधान गरिएको छ ।


रुकुमपश्मिका सबै स्थानीय तहमा जनयुद्ध सञ्चालक माओवादीले नै जितेको थियो । कानूनी यथेष्ट कानूनको ब्यवस्था गरी स्थानीय तहहरुको पहिलमा जनसत्ताका लिखत मालपोतमा पास गर्न थालिएपछि जिल्लामा रहेको झण्डै ३ हजार पाँच सय घर परिवारको समस्या समाधान हुने क्रम शुरु भएको छ ।


स्थानीय तहहरुले अहिले गाउँगाउँमै पुगेर घुम्ती शिविरमार्फत यी समस्या समाधान गरिरहेका छन् । स्थानीय तहको सहजीकरणमा जग्गा बेच्ने र किन्नेबीच सहमति गरेर नामसारी गरिएको छ । जनयुद्धका क्रममा सरकारी उपस्थिति कमजोर बन्दै गएपछि माओवादीले चलाएको जनसत्ताकै कागजमा आधारित भएर घरजग्गाको खरिद बिक्री हुन थालेको थियो ।

रुकुमको त्रिवेणी गापामा गरिएको घुम्ती शिविर

शान्ति स्थापना भएपछि जनसत्ताका लिखतले मान्यता पाएनन् । माओवादीकै नेतृत्वमा सरकार हुँदा पनि जनसत्ताका लिखतले मान्यता नपाएपछि स्थानीय बासिन्दा समस्यामा परेका थिए । जनसत्ताका लिखतले मान्यता नपाएपछि कतिले थप मूल्य तिरेर मालपोत कार्यालयमार्फत फेरि जग्गा पास गराएका थिए ।


यो समस्या समाधान गर्नस्थानीय तहहरुले पहल थालेका थिए । सानीभेरी गाउँपालिकामा स्थानीय सरकार गठन भएलगत्तै २०७४ मा सानीभेरी गाउँकार्यपालिकाको पहिलो बैठकमा १० वटा निर्णयमध्ये १ नम्बर निर्णय जनसत्ताको लिखत समाधान गर्ने निर्णय गरे गरेको थियो भने बाँफीकोटले पनि शुरुदेखि नै पहल लिएको थियो । अहिले भने यो काम जिल्लाब्यापीरुपमा अघि बढेको छ ।


Facebook Comments