समृद्ध समाज नेपाल रुकुमको आफ्नो पाँचौ वार्षिकत्सवको अवसरमा खुल्ला पुरुष ब्याड्मिन्टन खेलकूद आयोजना गरेको छ । बिहीबार रुकुमकोटमा उक्त खेलकूद प्रमुख जिल्ला अधिकारी मोहनप्रसाद अर्यालले उद्घाटन गर्नु भएको हो ।
समृद्ध समाज नेपाल संस्थाद्वारा विविध विधाका क्षेत्रबाट समाजप्रति उत्तरदायि रही काम गर्दै आएकोमा अहिले वार्षिकत्सवको अवसरका सानो खुल्ला पुरुष डबल ब्याड्मिन्टन प्रतियोगिता आयोजना गरेर मनाइएको संस्थाका अध्यक्ष सुबोधराज शेर्पालीले बताउनुभयो ।
उहाँका अनुसार, रुकुम पूर्व, पश्चिम र रोल्पाका खेलाडी गरी २० टिमले प्रतिस्पर्धा गरिरहेका छन् उहाँले भन्नुभयो–‘प्रतियोगिताका विजेताले १२ हजार, उपविजेताले ८ हजार र तेस्रो हुने जोडीले ६ हजार रुपैयाँ सहित मेडल प्रमाण–पत्र पाउने छन् ।’
प्रतियोगिता बढीमा २७ गते सम्म सञ्चालन हुने आयोजकले जनाएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
