रुकुम पुर्व सिस्ने गाउँपालिकाको १० औ गाउँसभा बैठक सम्पन्न भएको छ । गाउँसभा गाउँपालिकाको केन्द्र रुकुमकोटमा आज सम्पन्न भएको हो ।
आज सम्पन्न भएको १० औ गाउँसभाको बैठकले विभिन्न महत्वपुर्ण निर्णयहरु पारित गरेको छ । गाउँसभाले सिस्ने गाउँपालिकाको जलाधार संरक्षण तथा जल उपयोग सम्बन्धि विधेयक २०७६ पारित गरेको गाउँपालिकाका प्रवक्ता एवम वडा नम्बर दुईका वडा अध्यक्ष जिवन के. सी ले जानकारी दिनुभयो ।
यसैगरी सभाले वातावरण तथा प्राकृतिक स्रोत संरक्षण सम्बन्धि विधेयक २०७६ पनि पारित गरेको छ । यस अघि यि दुई विधेक गाउँकार्यपालिकाको ४२ बैठकबाट पारित भई गाउँसभामा पेश भएका थिए ।
यसैगरी सिस्ने गाउँपालिका वडा नम्बर ६ मा रहेको त्रिभूवन जनता माध्यामिक विद्यालयको पुरानो जग्गा सट्टापट्टा गर्ने निर्णयको सिफारिस केन्द्र सरकार समक्ष पठाउने निर्णय पनि गाउँसभाबाट पारित भएको प्रवक्ता के.सी ले जानकारी दिनुभयो ।
सिस्ने गाउँपालिका अध्यक्ष कुमारी बारालको अध्यक्षतामा सम्पन्न भएको १० औ गाउँसभा बैठकमा उपाध्यक्ष गोबरर्धन बुढा, प्रमुख प्रशासकीय अधिकृत बिमला रोका श्रेष्ठ लगायत आठ वटै वडाका वडा अध्यक्ष, कार्यपालिका सदस्यहरुको सहभागिता रहेको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
