गोरक्षरत्ननाथ मावि चौघेराको अध्यक्षमा निर्मल आचार्य चयन हुनुभएको छ । बिहीवार भएको अभिभावक भेलाबाट सर्वसम्मतरुपमा उहाँ अध्यक्षमा चयन हुनुभएको हो ।
भेलाबाट अभिभावकको तर्फबाट दुर्गाबहादुर डाँगी, भीमकुमार सुवेदी, शान्ता गुरुङ र सिता चौधरी चयन हुनुभएको थियो । सदस्यहरुको बैठकले निर्मल आचार्य र द्रोपदा न्यौपानेलाई मनोनित गरेको थियो ।
बैठकले आचार्यलाई सर्वसम्मतरुपमा अध्यक्ष चयन गरेको छ । सात सदस्यीय बिव्यसमा वडा अध्यक्ष खुशीम चौधरी पनि सदस्य रहनुभएको छ भने सदस्य सचिवमा प्रअ सेमलाल मल्ल रहनुभएको छ ।
त्यस्तै गोरक्षा रत्ननाथ मठका मठाधीश सुरतनाथ योगीको संयोजकत्वमा सल्लाहकार समिति चयन गरिएको छ । जसका सदस्यहरुमा अशोककुमार घिमिरे, मोहनलाल चौधरी, दामोदर सुवेदी, दीनानाथ आचार्य र केशब भुसाल रहनुभएको छ ।
शिक्षक अभिभावक संघका अध्यक्ष उमानन्द खनालको अध्यक्षतामा भएको भेलाको सञ्चालन सहप्रअ विजय अधिकारीले गर्नुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
