सिद्धरत्ननाथ मावि मावि नारायणपुरको बिद्यालय ब्यवस्थापन समिति गठनका लागि चुनाव भएको छ । नेकपा र कांग्रेसका प्यानल तथा स्वतन्त्र उम्मेदवारबीच भएको प्रतिष्पर्धामा मिश्रित परिणाम आएको छ ।
जसअनुसार कांग्रेसका तीन र नेकपाका एक जना विजयी भएका छन् । कांग्रेसबाट उम्मेदवारी दिनुभएका रामनारायण चौधरी (१८७), कान्तप्रसाद चौधरी (१८१) र महिला सदस्य विनिता गुरुङ क्षेत्री (१७१) बिजयी हुनुभएको छ । त्यस्तै महिला सदस्यमा नेकपाकी रमा डाँगी १८१ मतका साथ बिजयी हुनुभएको छ ।
सदस्यका प्रत्यासी नेकपाका उम्मेवार कृष्णबहादुर चौधरीले १६९, ओमबहादुर पुनले १४३ र प्रेमकली चौधरीले १५१ तथा स्वतन्त्र उम्मेदवारहरु टीकाबहादुर ओलीले ५७, उदयराम पुनले ४०, हस्ता ओलीले ९६, भगतबहादुर रैदासले ९२, शारदा थापाले ५९, सविता उपाध्यायले ४०, नानी चौधरीले १०५ र राधि चौधरीले ९५ मत प्राप्त गर्नुभएको छ । कूल १०३२ मतदाता रहेकोमा ६०३ मत खसेको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
