दाङको लमहीनजिक रहेको अर्जुनखोलामा ‘अर्जुन सरोबर’ निर्माणका लागि संभाव्यता खोज अध्ययन गर्ने उद्देश्यले अवलोकन गरिएको छ ।
जसअन्तर्गत आज प्रारम्भिक पहलका रूपमा पहिलो स्थलगत अवलोकन गरिएको नेकपाका लमही नगर सचिव बसन्तराज शर्मा ‘विक्रान्त’ले जानकारी दिनुभयो । इञ्जिनियरिङ एसोसियशनका प्राबिधिकसहित अर्जुन खोलाको बिभिन्न खण्डमा पुगेर स्थलगत प्राबिधिक अध्यन गरिएको उहाँले जानकारी दिनुभयो ।
स्थलगत अवस्थीतिको प्रारम्भिक निरीक्षण गर्दा दाङमा अर्जुनखोलालाई देउखुरीमा लमही नगरपालिकाका ६, ७, ८ र ९ नंम्बर वडामा सिंचाई तुरून्तै गर्न सकिने देखिएको शर्माले जानकारी दिनुभयो । अर्जुनखोलालाई मान सरोबर, इन्द्र सरोबरजस्तै अर्जुन सरोवरका रूपमा विकास गर्न सकिने इञ्जिनियरहरुले बताएका छन् ।
त्यस्तै बॉधलाई उच्च बनाउन सकिने तर लमही–घोराही सडकखण्डमा पर्न सक्ने असरलाई व्यवस्थापन गर्नुपर्ने, लघु जलविद्युत उत्पादन गर्न सकिने संभावना रहेको इञ्जिनियर डिल्लीराम भट्टले जानकारी दिनुभयो ।
नेकपा लमहीका सचिव शर्माले भन्नुभयो– ‘दाङको अर्जुनखोलालाई बहुउपयोगी उच्च बॉधको कार्यक्रम लागु गर्ने संभावना रहेकाले नेपाल सरकारको नीति तथा कार्यक्रममा प्राथमिकताका आधारमा “अर्जुन सरोबर” संभावना छ ।’
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
