नगर बिकास समिति उपमहानगरको मातहतमा आए पछि यसले गर्दै आएका गतिबिधीलाई तिब्रता दिन थालिएको छ । नगर प्रमुख नै नगर विकास समितिको अध्यक्ष हुने व्यवस्था भए पछि त्यसले गर्ने कामलाई थप जनमुखी गराउन थालिएको छ ।
नगर विकास समितिका अध्यक्ष समेत रहनुभएका नगर प्रमुख नरुलाल चौधरीले आज घोराही १८ नवलपुर क्षेत्रमा रहेको नगर विकासले प्लानिङ गरेको बस्ती विकासमा सडक गुणस्तर, सडक निर्माण र कृत्रिम जलाशय बनाउने योजनाको निरिक्षण गर्नुभएको छ ।
नगर विकास समितिले प्लानिङ गरेको बस्तीमा सडक कालोपत्रे गर्नका लागि पहिलो चरणमा करिब एक किलो मिटर दुबै तर्फको पक्की नाला निर्माणको काम भैरहेको छ । उक्त काम सन्तोषजनक ढंगले अघि बढेको र कालोपत्रेका लागि पनि काम छिट्टै हुने उहाँको भनाई छ ।
त्यस्तै घोराही मुर्कुटी सडक अन्तरगत नवलपुरमा चौपारी जरुवा देखी दक्षिण तर्फको नवलपुर गाउँमा जाने बाटो रोकिएकाले निर्माण पनि यसै बर्ष गर्ने योजना रहेको उहाँले बताउनुभयो ।
व्यक्तिको जग्गा परेका कारण दक्षिण तर्फको नवलपुर गाउँ जाने नागरिकहरु काँडेतार मुनीबाट जानु पर्ने बाध्यतालाई अब अहिले प्रदेस सरकारले बनाईरहेको सडकमा जोड्ने गरी काम हुने उहाँको भनाई छ ।
त्यस्तै आजै नगर प्रमुख चौधरी प्रमुख प्रशासकिय अधिकृत ऋषिराम केसी, वडा नम्बर १८ का अध्यक्ष भरतमणि अर्याल, इन्जिनियर रामधन श्रेष्ठ सहित नगर विकास समितिका इन्जिनियर र प्राबिधीकहरुलाई लिएर कृत्रिम जलाशय निर्माण गर्ने स्थानको निरिक्षणमा पुग्नुभयो ।
करिब ३० लाख रुपैयाँको खर्चमा जलाशय निर्माण हुने अनुमान गरिएको छ । पहिले नगर विकास समितिले गरेको इष्टीमेट पनि हेर्ने र नयाँ ढंगले कृत्रिम जलाशय बनाउने गरी यसै बर्ष काम हुने र बजेट पनि रहेको जानकारी दिनुभयो ।
बजार क्षेत्रमै पानीको संकलन र बहुउपयोगी बनाउने गरी नमूना नवलपुर जलाशय बनाउने सोच रहेको बताउनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
