कर्णाली प्रदेशकी भुमी व्यवस्था, कृषि तथा सहकारी मन्त्री बिमला केसी नेतृत्वको टोलीले रुकुम पश्चिमको मुसीकोट नगरपालिका ९ का विभिन्न आयोजनाको अनुगमण गरेको छ । नमूना सहकारी गाउँ अन्तरगत कर्णाली प्रदेशको भुमि व्यवस्था, कृषि तथा सहकारी मन्त्रालयबाट संचालित योजनाको अनुगमण गरियो ।
मुसीकोट नगरपालिका ९ चौखावाङमा रहेको कामी बुढा स्मृति जनकृषि सहकारी संस्थाले सुरु गरेको भैंसि पालन र सृजनशिल महिला आयआर्जन सहकारी संस्थाले सुरु गर्न लागेको मसला उद्योगको अनुगमण गरिएको हो । प्रदेश सरकारको अनुदानमा संचालित आयोजनाको अवस्था, उपलब्धी, चुनौति लगायतका विषयमा मन्त्री केसी लगायतको टोलीले अनुगमण गरेको हो ।
नमूना सहकारी गाउँ अन्तरगत साविकको चौखावाङ गाविस अर्थात हालको मुसीकोट नगरपालिका ९ र १० मा गत आर्थिक वर्ष २०७५/०७६ मा प्रदेशको भुमि व्यवस्था, कृषि तथा सहकारी मन्त्रालयबाट एक करोड बजेट आएको थियो । जुन बजेट भैंसि पालन, बाख्रा पालन र मसला उद्योग संचालनका लागि खर्च भएको छ । यो वर्ष ५० लाख बजेट आएको छ ।
मुसीकोट ९ मा रहेको कामि बुढा स्मृति जन कृषि सहकारी संस्थाले भैंसि र छबि बहुउद्देश्यिय सहकारी संस्थाले बाख्रा पालन गरिरहेको छ भने सृजनशिल महिला आयआर्जन सहकारी संस्थाले स्थानीय उत्पादनको प्रयोगबाट मसला उद्योग संचालन गर्ने तयारी गरिरहेको छ । जसका लागि सामग्री खरिद भैसकेको र अव जडान गरेर संचालनको तयारी भैरहेको सहकारीले जनाएको छ ।
भैंसि पालन र मसला उद्योगको अनुगमण गर्दै मन्त्री केसीले भैंसिको भकारो सुधार गर्न, आवश्यक घाँसको व्यवस्था गर्न, खोरको व्यवस्थापन गर्न निर्देशन दिनुभयो । त्यस्तै आईसकेका सामग्री जडान गरेर तत्कालै मसला उद्योग संचालन गर्न पनि निर्देशन दिनुभएको छ । प्राविधिक ज्ञानको कमि र दक्ष जनशक्ति तथा आवश्यक अन्य ज्ञानको कमि रहेका कारण आवश्यक तालिमको व्यवस्था गर्न सहकारीका पदाधिकारीहरुले आग्रह गरेका थिए ।
अनुगमण पछि नमूना सहकारी गाउँ स्थापनाका लागि वडा नं. ९ र १० मा संचालित योजनाको उपलब्धीका विषयमा अन्तरक्रिया गरिएको थियो । जसमा सहकारी संस्थाले आफुले गरेका काम, तिनको उपलब्धी, चुनौतिका विषयमा रिपोर्टिङ गर्दै सुझाव समेत दिएका थिए । अधिकांशले अनुदान आएको तर त्यसलाई प्रयोग गरी दिगो उपलब्धी हाँसिल गर्नका लागि आवश्यक ज्ञानको अभाव रहेको भनाई राखेका थिए ।
त्यस्तै सहकारीमा आवद्ध सदस्य तथा शेयर सदस्यहरुले पनि सामुहिकताको विकास गर्ने उद्ेश्यले नमूना सहकारी गाउँको अवधारणा आएको भएपनि सामुहिकताको विकास हुन नसकेको भन्दै दुःख व्यक्त गरेका थिए । कार्यक्रममा बोल्दै मन्त्री केसीले नमूना सहकारी गाउँ निर्माणका लागि सबै एकजुट भएर लाग्नुपर्नेमा जोड दिनुभयो ।
सबैले मेरो हो भन्ने भावना विकास नगरे सम्म यो कार्यक्रम प्रभावकारी नहुने र सरकारको लगानि खेर जाने उहाँको भनाई थियो । आवश्यक बजेट सहित अव प्राविधिक ज्ञानका लागि पनि प्रदेश सरकारले सहयोग गर्ने उहाँले आश्वासन दिनुभयो । अन्तरक्रिया कार्यक्रम नमूना कृषि सहकारी गाउँ संचालक समितिका अध्यक्ष गोप्यश्वर केसीको अध्यक्षतामा भएको थियो ।
त्यस्तै वडामै रहेको कुप्रेकोट भ्यु टावर पर्यटकिय स्थल र जनशिक्षा आधारभुत विद्यालयको पनि अवलोकण अनुगमण गरिएको थियो ।
अनुगमणमा मन्त्री केसी सहित मुसीकोट नगरपालिकाका प्रमुख देविलाल गौतम, उपप्रमुख प्रेमकुमारी सुनार, नेकपाका प्रदेश सदस्य बसन्त शर्मा कुशल, कृषि विकास र भेटनरी अस्पताल तथा पशु बिज्ञ केन्द्रका कर्मचारी, जनप्रतिनिधि, पत्रकार लगायतको सहभागिता रहेको थियो ।।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
