दाङमा स्थापना हुने प्रदेश ५ स्तरीय सरकारी इञ्जिनियरिङ कलेजका लागि विस्तृत परियोजना प्रस्ताव (डिपिआर) निर्माण शुरु गरिएको छ ।
सरकाले प्रदेश ५ को सरकारी इञ्जिनियरिङ क्याम्पस महेन्द्र बहुमुखी क्याम्पसको इञ्जिनियरिङ संकायको रुपमा सञ्चालन गर्ने निर्णय गरेको थियो ।
सोही निर्णयअनुसार शिक्षा मन्त्रालयले विस्तृत परियोजना प्रस्ताव तयार पार्न त्रिभुवन विश्वविद्यालयलाई निर्देशन दिएको थियो ।
सोही निर्देशनअनुसार त्रिभुवन विश्वविद्यालयले इञ्जिनियरिङ संस्थानका पूर्व डिन प्रा.डा.ई. त्रिरत्न बज्राआचार्यको नेतृत्वमा समिति गठन गरी डिपिआरको काम अघि बढाइएको शिक्षामन्त्रीका प्रमुख सल्लाहकार जीवन गौतमले जानकारी दिनुभयो ।
विस्तृत परियोजना प्रस्ताव तयार भएपछि आगामी बर्षदेखि दाङमा बिइ कक्षा सञ्चाला गर्ने तयारी त्रिविले गरेको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
