रुकुमपश्चिम मुसीकोट नगरपालिका १० का एक युवाले बैदेशिक रोजगारीका लागि साउदी अबमा बस्दा दैनिक एक रियाल जम्मा गरेर गाउँको विद्यालयमा छात्रवृत्तिको अक्षयकोषण स्थापना गर्नुभएको छ ।
मुसीकोट १० चुन खड्का टोलका पदम खड्काले सामाजिक सेवाको यस्तो अभियान थाल्नुभएको हो । २०७२ सालको भूकम्प गएपछि बिदेशमा बसेर पनि स्वदेशका लागि केही गर्नुपर्छ भन्ने मनशायका साथ उहाँले दैनिक एक रियाल जम्मा गर्ने अभियान थाल्नुभएको थियो ।
सोहीअनुसार उहाँले २०७३ सालमा २५ हजार रुपैयाँको अक्षयकोष मालिका मावि चुनमा स्थापना गर्नुभएको थियो । त्यसपछि जम्मा गरेको पुनः एक हजार रियाल (२८ हजार रुपैयाँ) उहाँले यसपटक विद्यालयलार्य हस्तान्तरण गर्नुभएको छ ।
उहाँले विद्यालय ब्यवस्थापन समितिका अध्यक्ष टेकबहादुर खड्का, विद्यालयका प्राधानाध्यापक खड्कसिंह कठायत, वडा शिक्षा समितिका संयोजक धनबहादुर खड्कालगायतका रोहवरमा विद्यालयमा हस्तान्तरण गर्नुभएको थियो । यो रकमबाट विद्यालयमा जेहेन्दार विद्यार्थीलाई बर्षेनी छात्रवृत्ति वितरण गर्ने गरिएको छ ।
यसैबीच विद्यालयलाई जेडी निर्माण सेवाका सञ्चालक जीवन केसीले १३ हजार बराबरको खेल सामग्री हस्तान्तरण गर्नुभएको छ । उहाँले भलिबल २, जाली १, पम्प १, र सिटी १ गरी जम्मा १३ हजार बराबरको खेलकूद समग्री मालिका माविलाई हस्तान्तरण गर्नुभएको हो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
