उप निर्वाचनमा खुल्ला प्रचार प्रसार गर्ने अन्तिम दिन बुधबार (भोली) नेकपाले घोराहीमा १६ मा बिशाल सभाको आयोजना गरेको छ । नेकपा घोराही उपहानगरपालिका कमिटीका अध्यक्ष राममणि पाण्डेयले घोराहीको कपासीमा सभाको आयोजना गरिएको जानकारी दिनुभएको छ ।
घोराही उपमहानगरपालिका १६ मा पनि मंसिर १६ गतेका दिन उपनिर्बाचन हुँदैछ । यसअघि भएको स्थानीय निर्वाचनमा नेकपाबाट बिजयी बन्नुभएका लक्षिणप्रसाद बुढा मगरको निधन भएपछि निर्बाचन हुन थालेको हो ।
निर्बाचनमा नेकपाबाट सुरेश केसी र नेपाली काँग्रेसबाट तारा डाँगीका बीचमा मुख्य प्रतिष्पर्धा हुने अनुमान गरिएको छ । यद्दपी स्थानीय निर्बाचनमा तत्कालिन नेकपा एक्लैले ल्याएको मत नेपाली काँग्रेस र तत्कालीन माओवादीका उमेदवारले ल्याएको मत भन्दा पनि धेरै थियो ।
निर्बाचन प्रचार प्रसारको अन्तिम तयारी स्वरुप बुधबार दिउँसो १२ बजे सभाको आयोजना गरिएको नेकपा घोराहीका अध्यक्ष पाण्डेयले बताउनुभयो । सभालाई प्रदेशका मुख्यमन्त्री तथा नेकपाका स्थायी कमिटी सदस्य शंकर पोखरेललगायतका नेताहरुले सम्बोधन गर्ने कार्यक्रम रहेको छ ।
सभापूर्ब वडा नं. १६ मा युवाहरुले मोटरसाइकिल ¥याली निकाल्ने तयारी गरिरहेको युवा संयोजक मिलन डाँगीले जानकारी दिनुभयो । यसैबीच नेकपा घोराही उपमहानगरपालिकाका अध्यक्ष राममणि पाण्डेय र सचिव प्रमोद शर्माले मंगलबार (आज) बिज्ञप्ती जारी गरेर दिउँसो आयोजना गरिएको सभामा सहभागि हुन आम वडाबासीलाई आग्रह गर्नुभएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
