नेपाल कम्युनिष्ट पार्टी (नेकपा)का दुइ अध्यक्षबीच जिम्मेवारी बाँडफाँडमा सहमति भएपछि वार्ताका लागि पहल गर्ने नेताहरुले खुशी व्यक्त गरेका छन् । ब
ुधवारको सचिवालय बैठकले अध्यक्ष केपी शर्मा ओलीलाई पाँच बर्ष प्रधानमन्त्री र अर्का अध्यक्ष पुष्पकमल दाहाल ‘प्रचण्ड’लाई कार्यकारी अध्यक्ष बनाउने सहमति गरेको थियो ।
सो निर्णयगरेपछि आफ्नो धारणा सार्वजनिक गर्दै एकतामा पहल गरेका नेता जनार्दन शर्मा ‘प्रभाकर’ले पुरानो समझदारी कार्यान्वायन भएको भन्दै यसले एकतालाई नयाँ उचाइमा पु¥याएको टिप्पणी गर्नुभएको छ ।
अध्यक्षद्वयको जिम्मेवारी बाँडफाँडपछि यस्तो छ नेता शर्माको धारणाः
कम्युनिस्ट आन्दोलनलाई एकिकृत गर्ने नेपाली जनताको सपना पूरा गर्ने काममा हाम्रा नेताहरुको साहसिक निर्णयबाट नेकपा निर्माण भयो । उक्त निर्णयका आधार तयार गर्ने क्रममा सकारात्मक वातावरण तयार पार्ने जिम्मा पूरा गर्दैगर्दा मलाई धेरैले प्रश्न गरेका थिए– यस्तो मूर्खतापूर्ण कदम किन ? कसैले मेरो बारेमा अध्यक्ष प्रचण्डलाई चुक्ली गरे । कसैले अध्यक्ष केपीलाई फसाएको आरोप लगाए । मलाई थाहा थियो, दुइवटा नेताहरुको सम्पूर्ण वार्तामा म छु र सबै शब्द हेरेको छु, सुनेको छु।
मलाई मेरा आदरणीय दुबै नेताप्रति विश्वास थियो– शैली र बोलीमा आ–आफ्ना बिशेषता भए पनि आफ्नो वचनमा प्रतिबद्ध छन् । मेरो बिश्वासलाई आजको निर्णयले सावित गरेको छ । यसबाट अध्यक्ष केपी ओलीप्रति मेरो विश्वास थप बढेकोछ । यो बीचमा पार्टी भाँड्ने र फूटाउन चाहनेको तमाम खेलका म पूरै जानकार थिएँ र पार्टी एकता बचाउन मेरो एकजना मित्रसहित रातदिन लागि रहें ।
आज नेताहरुले सबै भ्रमहरु चिर्दै सहमति र समझदारी कार्यन्वायनको नयाँ उचाइमा ल्याउनुभएको छ। यसबाटबाट दुबै अध्यक्षहरुको बीचमा नयाँ विश्वास पैदा भएको मात्र छैन कि एकताले नयाँ उचाइँ हासिल गरेको छ । अध्यक्ष तथा सम्मानित प्रधानमन्त्री केपी ओली र अध्यक्ष प्रचण्डको काँधमा आम जनताको जीवनमा खुशीयाली ल्याउन ।
अब समृद्ध नेपाल बनाउने अभियानलाई सफल पार्ने एक कार्यभार मात्र बाँकी छ। बलियो पार्टी र बलियो सरकार यसमा सफल हुनेछ । अध्यक्ष दुबैलाइ एकताको श्रेय युग–युगसम्म जनताले दिनेछन् ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
