राजनीतिक दलका नेता कार्यकर्ता मंसिर १४ गते हुने उपनिर्वाचनको प्रचारप्रसारमा व्यस्त छन् । उनीहरुले त सकेसम्म मतदातालाई प्रभावित पार्न खोज्छन् नै, अब मतदाता पनि चलाख भइसकेका छन्, उनीहरुले पनि आफ्नो माग र शर्त अघि सार्ने गरेका छन् ।
चुनावमा क्रममा अधिकांश ज्येष्ठ नागरिकले बृद्धबृद्धा दिने पार्टीलाई नै भोट दिने बताएका छन् । घोराही उपमहानगरपालिका १६ को वडा अध्यक्ष निर्वाचनको चुनाव प्रचारका क्रममा भेटिएका अधिकांश ज्येष्ठ नागरिक मतदाताले यही कुरा दोहोर्याएका छन् ।
बयरबटुवामा भेटिएका ज्येष्ठ नागरिकहरुले आफूहरुको सहारा नै बृद्ध भत्ता भएकाले यो भत्ता दिने पार्टीलाई नै मत दिने बताएका छन् । यो वडामा नेकपाको उम्मेदवार चयन गर्दा केही विवाद देखिएपछि बागी उम्मेदवारी पनि परेको छ ।
बागी उम्मेदवार चौधरी रहेकाले चौधरी समुदायबाट उनलाई मत जाने हल्ला गरिए पनि अन्ततः चौधरी समुदायकै ज्येष्ठ नागरिकहरुले आफूहरु व्यक्तिका पछाडि नलाग्ने बताएका छन् । पार्टीको नेता भएर व्यक्तिलाई नेता मानेको उल्लेख गर्दै उनीहरुले बृद्ध भत्ता दिने पार्टी छाडेर कोही व्यक्तिका पछाडि नलाग्ने बताए ।
२०५१ सालको अल्पमतको सरकारका लागि तत्कालीन नेकपा एमालेले बृद्ध भत्ता शुरु गरेको थियो । अहिले नेकपाकै सरकारले बृद्धभत्ता ३ हजार बनाइदिए पनि नेकपाप्रति ज्येष्ठ नागरिक खुशी देखिन्छन् ।
उनीहरुले यो भत्तालाई पाँच हजार बनाउन पनि माग गरेका छन् । आफूहरुले बृद्धभत्ता दिने पार्टीलाई नहार्ने भन्दै पार्टीले पनि भत्ता बढाएर पाँच हजार बनाइदिनुपर्ने उनीहरुको माग छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
