राप्ती स्वास्थ्य विज्ञान प्रतिष्ठान घोराहीमा चिकित्सकको अभावमा उपचार सेवा ठप्प छ ।
आफूहरुमाथि दमन भएको भन्दै राजीनामा दिएका प्रतिष्ठानका १० जना चिकित्सकको राजीनामा प्रतिष्ठानले स्वीकृत गरेपछि झन समस्या देखिएको हो ।
यसअघिदेखि नै सरकारी चिकित्सकहरुसँग टसल परिरहेको बेला प्रतिष्ठान आफैले नियुक्त गरेका चिकित्सकले समेत राजीनामा दिएपछि प्रतिष्ठान चिकित्सकविहीन भएको हो ।
प्रतिष्ठानका चिकित्सकको आन्दोलनप्रति समर्थन गर्न भन्दै सरकारी चिकित्सक काममा फर्केका छैनन् । जसले गर्दा आइतवार ओपीडीका उपचार कक्ष खाली थिए ।
नाक कान घाँटीको उपचार कक्षमा छिरेर केहीबेर उपकूलपति डा. संगीता भण्डारीले उपचार गर्नुभएको थियो भने डा. बसन्त लामिछानेबाहेक अरु कोही काममा आएनन् ।
दिउँसो चिकित्सकहरुको राजीनामा स्वीकृत भएपछि प्रतिष्ठानको सेवा थप अन्योलमा परेको छ ।
![](https://sisneonline.com/wp-content/uploads/2021/08/sisne-author.jpg)
![](https://sisneonline.com/wp-content/uploads/2021/08/sisne-author.jpg)
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।