रुकुमेली एकता समाज दाङले शनिवार तीज मिलन कार्यक्रम गरेको छ ।
समाजका अध्यक्ष लीलाधर खड्काको अध्यक्षता एवं घोराही उपमहानगरपालिकाका शाखा अधिकृत प्रतला देवकोटाको प्रमुख आतिथ्यमा कार्यक्रम भएको हो ।
समाजका सल्लाहकार भीउसन गौतमको स्वागत मन्तव्यबाट शुरु भएको कार्यक्रममा बिमल खड्का, गणेश ओली, टीकाराम शर्मालागयतले बोल्नुभएको थियो । कार्यक्रममा समाज सदस्यका छोराछोरीमध्येबाट एसइइमा प्रथमहुने मुना बुढा मगर, द्धितीय हुने सरोज बिसी र तृतीय हुने सुवास पुरीलाई पुरस्कृत गरिएको थियो ।
त्यस्तै ज्येष्ठ नागरिक १ सय ४ बर्षीय देवबहादुर मल्ल, ८६ बर्षीय गञ्जबहादुर बुढा, ८५ बर्षीया छलीकुमारी श्रेष्ठ, ८० बर्षीया बेलमति खड्का, ७६ बर्षीया जमुना श्रेष्ठ, ७५ बर्षीय बाबुलाम जैशी, ७५ बर्षीय जसबीर ओली र एकल महिला काली बिसीलाई सम्मान गरिएको थियो ।
कार्यक्रम सञ्चालन समाजका सचिव उर्मिला डाँगीले गर्नुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
