राप्ती स्वास्थ्य विज्ञान प्रतिष्ठान एकपछि अर्को विवादमा फस्दै गएपछि जनस्तरबाट राप्ती स्वास्थ्य विज्ञान प्रतिष्ठान बआचौं अभियान गठन गरिएको छ ।
आज घोराहीमा भएको सर्वपक्षीय भेलाले विकिरण गौतमको संयोजकत्वमा राप्ती स्वास्थ्य विज्ञान प्रतिष्ठान बआचौं अभियान गठन गरेको हो ।
जसको सदस्य सचिव सविन प्रियासन रहनुभएको छ भने सदस्हरुमा बसन्त जोशी, दीपक सुवेदी, श्रीधर महरा, लक्ष्मी आचार्य, मञ्जु बज्राचार्य, भुवन चौधरी, यादव गिरी, सन्तोष पोख्रेल, शक्तिराम डाँगी, रमेश पाण्डे, शरद अधिकारी, भुपेन्द्र ओली र टिका बस्नेत रहनुभएको छ ।
भेलाले प्रतिष्ठानका उपकूलपति संगीता भण्डारीको कार्य असक्षमता देखिएको भनदै सम्बन्धित निकाय समक्ष राजीनामा माग गर्ने निर्णय गरेको छ ।
त्यस्तै प्रतिष्ठानमा कार्यरत चिकित्सकहरुले राजीनामा दिएको सम्बन्धमा स्वास्थ्य संवेदनशीलतालाई ख्याल गर्दै वार्ता र संवादको माध्यमबाट उहाँहरुको माग पूरा गरी काममा फर्कने वातवारण बनाउन प्रतिष्ठानसमक्ष माग गर्ने निर्णय पनि भेलाले गरेको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
