कर्णाली प्रदेशका मुख्यमन्त्री महेन्द्रवहादुर शाहीले अवको तिन महिना भित्रै निर्माण कार्य थालनी गर्ने गरि योजना कार्यन्वयन प्रक्रिया अगाडि वढाउन कर्मचारीहरुलाई निर्देशन दिनुभएको छ । भौतिक पुर्वाधार विकास मन्त्रालयको जिम्मेवारी लिए पश्चात पहिलो पटक बुधवार मन्त्रालय पुग्नुभएका मुख्यमन्त्री शाहीले यस्तो निर्देशन दिनुभएको हो ।
मुख्यमन्त्री शाहीले भोली देखि नै वजेट कार्यान्वयनको तयारी शुरु गर्न निर्देशन दिदै भन्नुभयो–‘पहिलो महिना भित्र सर्भे, डिजाईन, स्टीमेटको काम पुरा गर्ने, दोश्रो महिना सार्वजनिक खरीद तथा टेण्डरको कार्य पुरा गर्ने र तेश्रो महिनादेखि निर्माण कार्यको काम अगाडि वढाउने गरि काम थालनी गर्नुस ।’
मुख्यमन्त्री शाहीले योजना निर्माण तथा वजेट विनियोजनको कार्य सम्पन्न भएको महिनौं वितिसक्दा पनि मन्त्रालयले कार्यान्वयनको प्रक्रिया शुरु नभएकोप्रति आफनो ध्यानाकर्षण भएको वताउनुभयो ।
भौतिक पुर्वाधार विकास मन्त्रालयको गतवर्षको प्रगति निराशाजनक रहेको भन्दै मुख्यमन्त्री शाहीले जनतालाई संघीय व्यवस्थाको फाईदा अनुभुति हुने गरि मन्त्रालयले कार्यसम्पादन गर्नुपर्ने वताउनुभयो ।
पहिलो पटक भौतिक पुर्वाधार विकास मन्त्रालय पुग्नुभएका मुख्यमन्त्री शाहीलाई प्रदेश सरकारका प्रमुख सचिव केवलप्रसाद भण्डारी, मन्त्रालयका सचिव दानरत्न शाक्य तथा मन्त्रालयका कर्मचारीहरुले अविरमालाले स्वागत गर्नुभएको थियो ।
नक्कली वैंक ग्यारेण्टी पत्र जारी गरेको अभियोगमा अदालतले पक्राउ गर्न आदेश दिएपछि गएको साता मुख्यमन्त्री शाहीले साविकका भौतिक पुर्वाधार विकास मन्त्री खडकवहादुर खत्रीलाई वर्खास्त गरि सो मन्त्रालयको जिम्मेवारी आफैले लिने निर्णय गर्नुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
