रुकुमपश्चिमको मुसीकोट नगरपालिका वडा नम्बर ९ ले टोल टोलमा पुगेर जनभेटघाट गर्ने अभियान शुरु गर्ने भएको छ ।
सरकारी गैर सरकारी तथा अन्य विभिन्न निकायमा दर्ता भएर टोलमा क्रियाशील समूह, सस्था, सहकारी, विद्यालय बयवसथपन समिति, वन समूहलगायत टोल बिकास सस्थाका पदाधिकारीलाई एकै ठाउँमा जुटाएर छलफल गर्न थालिएको हो ।
ती संस्थाहरुले समुदायको हितमा के कति काम गरेका छन् र वडाले के गर्न सक्छ भनेर सुझाव माग्ने काम पनि अभियानको क्रममा गरिने छ । समूहको कामको अवस्था, समुदायको हितमा भएका काम, आर्थिक पारदर्शिता र देखिएका समस्याबारे खुलस्तरुपमा टोलटोलमा छलफल गरिने वडाले जनाएकाले ।
चाडपर्वनजिकिदै गर्दा गाउँ हुने सामाजिक बिकृतिलाई रोक्दै शान्ति सुरक्षाको वातवारण मिलाउन पनि यस्तो अभियान थालिएको अध्यक्ष नवीन ओलीले जानकारी दिनुभयो ।
आगामी यस्तो भेटघाट भदौ ९ गते कामीगाउ टोल बिकास सस्थाको हिलमा,१० गते होल लिङगुर टोल बिकास सस्थाको लिङगुरडाँडामा, ११ गते नमुना टोल बिकास सस्थाको चौखावाङमा,१२ गते स्वारा कुन्सिम्ला टोल बिकास सस्थाको कुन्सिम्लामा र १३ गते होलतारा अदुवारी टोल बिकास सस्थाको वडा कार्यालय होलतारामा सयुक्त बैठक आव्हान गरिएको अध्यक्ष ओलीले जानकारी दिनुभयो ।
टोल बिकास सस्थाका अध्यक्षहरु र जनप्रतिनिधिहरुको सयुक्त बैठकले सो निर्णय गरेको हो । अभियानको नेतृत्व वडा अध्यक्ष नवीन ओलीले गर्नुहुने छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
