प्रधानमन्त्री केपी शर्मा ओलीले सगरमाथालाई माउन्ट एभरेष्ट’ भन्नुको साटो सगरमाथा नै उच्चारण गरिदिन अन्तर्राष्ट्रिय समुदायसँग आग्रह गर्नुभएको छ ।
एसिया प्रशान्त क्षेत्रका हवाई नियामक निकायका महानिर्देशकहरुको सम्मेलनलाई सोमबार काठमाडौंमा सम्बोधन गर्दै प्रधानमन्त्री ओलीले यस्स्तो आग्रह गर्नुभएको हो ।
उहाँले गैंडालाई गैंडा नै भन्नु पर्ने जिकिर पनि गर्नुभयो । सम्मेलनमा सहभागी करिब चार सय विदेशी पाहुना अगाडि प्रधानमन्त्रीले भन्नुभयो– ‘‘गैंडाज आर गैंडाज, नट राइनोज ।’
सगरमाथा संसारको सबैभन्दा अग्लो चुचुरो हो । यसको उचाई समुन्द्र सतहबाट ८,८४८ मिटर छ । विशेष गरी थुलुङ राई स्थानियवासीहरू सगरमाथालाई चोमोलुङ भन्दछन् । यसैबाट सगरमाथालाई लामो समयसम्म चोमोलुङ्मा भनिन्थ्यो ।
सगरमाथालाई सन् १८६५ मा ब्रिटिस सर्भेयर कर्णेल सर जर्ज एभरेस्टको नाममा माउन्ट एभरेस्ट नामाकरण गरिएको थियो ।
बिसं २०१२ सालमा इतिहास शिरोमणि बाबुराम आचार्यले यसको नाम सगरमाथा राख्नुभएको हो । उहाँले सगरमाथाको नेपाली नाम झ्यामोलोङ्मो पनि लेख्नुभएको छ ।
सगरमाथा शिखरमा सर्वप्रथम, सन १९५३ मे २९ तारिखको बिहान ११ः१५ बजे, नेपालका तेन्जिङ नोर्गे शेर्पा र न्युजिल्यान्डका सर एड्मन्ड हिलारीले पाइला राखेका थिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
