रुकुम पश्चिम सानीभेरी गाउँपालिका वडा नं ८ विप्पे लेखमा चट्यांङ लागेर ९ जना गम्भिर घाईते भएका छन् ।
आइतबार दिउसो करिव ३ बजे तिर परेको चट्याङले वडा नं ८ विप्पे लेखकी कौशिला ओली¸ शशिला बुढाथोकि¸ रत्नकला बुढाथोकी¸ वडा नं १० चिन्तुकी पानसरी डाँगी¸ वडा नं ८ घारीखोलाकी कमारी बुढाथोकी गम्भीर घाइते भएका छन् भने वडा नं ८ विप्पेकै झुपलाल बुढाथोकी¸ गोबर्धन ओली गंगी ओली सामान्य घाइते भएका छन्
रोलखोला लघुजलविद्युतको विद्युत प्रशारण लाइनमा चट्याङ परेपछी घरमा बसीरहेकाहरुलाई विद्युतिय करेन्ट प्रशारण भएर घाइते भएको बुझिएको छ ।
गम्भीर घइते हुनेहरु सबै बेहोस अबस्थामा रहेकाले उपचारको लागि चौरजहारी अस्पत्तालमा लगिएको छ ।
यसैबीच सानीभेरी ८ घारीखोला लामाडाँडाका विरेन्द्र बुढाथोकीको १ ओटा बाख्रा समेत मरेको छ ।
रोलखोला लघुजलविद्युतको विद्युत प्रशारण लाइनमा जोडिएका अधिकांश घरहरुका विद्युत तार बल्ब तथा विद्युति सामाग्रीहरु जले नष्ट भएका छन् ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
