दाङका फोटो पत्रकार कुलदीप न्यौपाने यज्ञबहादुर बुढाथोकीस्मृति उत्कृष्ट युवा पुरस्कार २०१९ बाट पुरस्कृत हुनुभएको छ ।
त्रिभुवननगर जेसिजले आज घोराहीमा एक समारोहका बीच उहाँलाई सो पुरस्कार प्रदान गरेको हो ।
फोटो पत्रकारितामा क्रियाशील रही दाङ जिल्लासँगै राष्ट्रकै पर्यापर्यटनको क्षेत्रमा निर्वाह गरेको भूमिकाको मूल्यांकन गर्दै सो पुरस्कार समर्पण गरेको संस्थाले जनाएको छ ।
त्रिभुवननगर जेसिजका अध्यक्ष वसन्तराज अधिकारीको अध्यक्षतामा भएको कार्यक्रममा प्रमुख अतिथि घोराही उपमहानगरपालिकाका प्रमुख नरुलाल चौधरीले पुरस्कार हस्तान्तरण गर्नुभएको हो ।
२०३६ सालमा राप्ती गाउँपालिका २ लालमटियामा जन्मनुभएका न्यौपाने २०६५ देखि निरन्तर फोटो पत्रकारितामा क्रियाशील रहनुभएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
