नेपाल कम्युनिष्ट पार्टी (नेकपा) रुकुमपश्चिममा मुसीकोट नगर समिति अध्यक्षमा जयबहादुर पाण्डे ‘पहाड’ चयन हुनुभएको छ ।

आज भएको नगर भेलाले पाण्डेको अध्यक्षतामा ८१ सदस्यीय नगर समिति चयन गरेको हो ।

जसको सचिवमा दीपकराज खड्का चयन हुनुभएको छ ।

हाल प्रदेश कृषिमन्त्री बिमला केसीका स्वकीय सचिव रहनुभएका पाण्डे जनयुद्धकालमा तत्कालीन नेकपा माओवादीको एरिया सेक्रेटरी र एरिया इञ्चार्जको जिम्मेवारी निर्वाह गर्नुभएको थियो ।

उहाँले जनमुक्ति सेनामा पनि काम गर्नुभएको थियो ।

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।