तुलसीपुर उपमहानगरपािलका र सिटिइभिटीको साझेदारीमा सञ्चालन हुने तुलसीपुर बहुप्राबिधिक शिक्षालयले यसै बर्षदेखि कक्षा सञ्चालन गर्ने अनुमति पाएको छ ।
प्राबिधिक शिक्षा तथा ब्यवसायिक तालिम परिषद् (सिटिइभिटी)को बैठकले सो निर्णय गरेको हो ।
शिक्षामन्त्री तथा परिषद्का अध्यक्ष गिरिराजमणि पोख्रेलको अध्यक्षतामा बसेको बैठकले तुलसीपुर बहुप्राबिधिक शिक्षालयलाई कक्षा सञ्चालनको अनुमति दिएको शिक्षामन्त्रीको प्रमुख सल्लाहकार जीवन गौतमले जानकारी दिनुभयो ।
यो शिक्षालयमा यो बर्ष वन विज्ञान अध्यापनको तयारी छ । तुलसीपुर उपमहानगरपालिकाले शिक्षालयका लागि पूर्वाधार निर्माण गरिसकेको छ भने कक्षा सञ्चालनका लागि एक करोड बजेट छुट्याएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
