नेपाल कम्युनिष्ट पार्टी (नेकपा)ले मिडिया काउन्सिल बिधेयकको सवालमा नेपाल पत्रकार महासंघले उठाउँदै आएको माग पूरा गर्ने लिखित प्रतिबद्धता जनाएको छ ।
पार्टी महासचिव बिष्णु पौडेल, संसदीय दलका उपनेता सुवास नेम्वाङ र नेता योगेश भट्टराइको उपस्थितिमा राष्ट्रिय सभाका मुख्य सचेतक खिमलाल भट्टराइले नेपाल पत्रकार महासंघलाई लिखित प्रतिबद्धता व्यक्त गर्नुभएको हो । उहाँले प्रतिबद्धता पत्र पनि हस्तान्तरण गर्नुभएको छ ।
मिडिया काउन्सिल बिधेयक राष्ट्रियसभामा दर्ता भएको र सदनसमक्ष प्रस्तुत नभएको जनाउँदै पज्ञमा संविधान र संसदीय प्रक्रियाबमोजिम महासंघको चासो र सरोकारलाई सम्वोधन गर्ने प्रतिबद्धता व्यक्त गरिएको छ ।
संघीय संसदमा प्रस्तुत अन्य सञ्चारसम्बन्धी बिधेयकहरुको हकमा पनि संविधान र राष्ट्रिय आम सञ्चार नीति २०७३ को आधारमा नेपाल पत्रकार महासंघसहित अन्य सम्बद्ध पक्षहरुसँग छलफल गरी संसदीय प्रक्रियाबमोजिम निष्कर्षमा पुग्ने प्रतिबद्धता पनि पत्रमा व्यक्त गरिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
