नेपाल कम्युनिष्ट पार्टी (नेकपा) घोराही उपमहानगर समितिको सचिवमा प्रमोद शर्मा चयन हुनुभएको छ ।
नेकपा दाङको पदाधिकारी बैठकले उपमहानगर सचिव विश्वराज आचार्यले घरायसी कार्यव्यस्तताको कारण देखाउँदै दिएको राजीनामा स्वीकृत गर्दै शर्मालाई सचिवमा चयन गरेको जिल्ला सचिव तुलसीराम पुन ‘सुवास’ले जानकारी दिनुभयो ।
नेकपा दाङका स्थानीय तहमा नेतृत्व गर्दा गर्दा घोराही उपमहानगर समिति अध्यक्ष पूर्वएमाले र सचिव पूर्वमाओवादी केन्द्रले पाएको थियो ।
एकताको क्रममा पूर्वमाओवादी केन्द्रका उपमहानगर अध्यक्ष विश्वराज आचार्यलाई सचिवको जिम्मेवारी दिइएको थियो । उहाँले राजीनामा दिएपछि पूर्वमाओवादी केन्द्रमा उपमहानगर उपाध्यक्ष रहनुभएका शर्मालाई सचिवको जिम्मेवारी दिइएको पुनले जानकारी दिनुभयो ।
नेकपा दाङका जिल्ला सदस्यसमेत रहेका शर्मा हाल संघीय संसदका सभामुख कृष्णबहादुर महराका स्वकीय सचिव हुनुहुन्छ ।
शर्मा संगठन क्षेत्रमा स्थापित युवा नेता मानिनुहुन्छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
