नेपाल कम्युनिष्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले आफू र प्रधानमन्त्री केपी शर्मा ओलीबीच राजनीतिक प्रतिवेदनमा सहमति जुटेको बताएका छन् ।
भक्तपुरमा आयोजित एक कार्यक्रमलाई सम्बोधन गर्दै प्रचण्डले प्रधानमन्त्री र आफूबीच आज नै राजनीतिक कार्यदिशासहितको राजनीतिक प्रतिवेदनमा सहमति जुटेको बताएका छन् ।
आइतबार बिहान प्रधानमन्त्री समेत रहेका नेकपा अध्यक्ष केपी शर्मा ओली र प्रचण्डबीच बालुवाटारमा छलफल भएको थियो ।
भक्तपुरमा भएको कार्यक्रममा प्रचण्डले भने,’आज बिहान प्रधानमन्त्रीजी र मेरोबीच राजनीतिक कार्यदिशासहितको राजनीतिक प्रतिवेदनमा सहमति जुटेको छ । आज तपाईहरुलाई खुसीका साथ तपाईहरुलाई म यो जानकारी गराउँछु ।’
पार्टीको विधान र नियमावलीलगायतका दस्तावेज प्रकाशित भएर कार्यन्वयनमा गइसके पनि विवादकै कारण राजनीतिक प्रतिवेदन छापिएको छैन ।
जनताको बहुदलीय जनवाद तथा जनयुद्ध जस्ता शब्द र कतिपय राजनीतिक कार्यदिशाका विषयमा सहमति जुटेको थिएन । दुई अध्यक्षको छलफलका आधारमा अब नेकपाको राजनीतिक कार्यदिशा जनताको जनवाद हुने भएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
