राजपुर गाउँपालिका ३ को वडा युवा सञ्जाल गठनप्रति युवाहरुले बिरोध जनाएका छन् ।
केमराज यादव, चन्द्रभान यादव, मुकेश साह, मिनकुमार केसी र बालकराम यादवसहित एक सय पाँच जना युवाले विज्ञप्ति निकालेर बिरोध गरेका हुन् ।
वडा युवा सञ्जाल गठनका लागि जेठ २० गते युवा भेला बोलाइएको र अधिकांश सहभागीले अध्यक्षमा हेमराज यादवलाई प्रस्ताव गरे पनि वडा अध्यक्ष रामछोरे यादवले आफ्नो छोरा हुने भए मात्रै सञ्जाल गठन गर्न दिने र नत्र नदिने बताएको विज्ञप्तिमा उल्लेख छ ।
आफ्नो छोरा नहुने भएपछि माइन्यूट नै खोसेर लगेको र असार १३ गते मनोमानी ढंगले सञ्जाल गठन गरेको भन्दै यसलाई मान्यता दिन विज्ञप्तिमा माग गरिएको छ । उनीहरुले यो समितिलाई मान्यता नदिन माग गर्दै गाउँपालिका कार्यालयमा पनि निवेदन दिएका छन् ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
