नेपाल कम्युनिष्ट पार्टी (नेकपा) राजपुर गाउँ समिति सदस्य कृष्णबहादुर हरिजन ‘सोमराज’को स्मृतिमा राजपुर ४ दुलैयामा श्रद्धाञ्जलीसभा गरिएको छ । उहाँको निधनको १३ औं दिन श्रद्धाञ्जलीसभा आयोजना गरिएको हो ।
नेकपा राजपुर गाउँ पालिका समितिको आयोजनामा कार्यक्रम भएको हो ।
गाउँपालिका समिति अध्यक्ष चक्रबहादुर खड्का ‘शिखर’को अध्यक्षतामा भएको कार्यक्रममा प्रमुख अतिथि केन्द्रीय सदस्य दामा शर्माले हरिजनले जनयुद्ध, जनआन्दोलनहुँदै समग्र कम्युनिष्ट आन्दोलनमा दिएको योगदानको सम्मान गर्नुपर्ने बताउनुभयो ।
२०४९ सालमा तत्कालीन नेपाली कांग्रेसबाट वडा सदस्य जितेका हरिजन जनयुद्ध शुरु भएपछि नेकपा माओवादीमा प्रवेश गर्नुभएको थियो ।
२०५६ सालदेखि जनयुद्धमा सहभागी उहाँ अहिले पनि राजनीतिक र सामाजिक काममा क्रियाशील हुनुहुन्थ्यो ।
कार्यक्रममा वडा नम्बर ६ अध्यक्ष श्याम रोका र पार्टी गाउँपालिका सदस्य पुष्पा यादवले पनि श्रद्धाञ्जली मन्तव्य व्यक्त गर्नुभएको थियो ।
कार्यक्रम सञ्चालन गाउँपालिका सदस्य बिष्णुप्रसाद यादवले गर्नुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
