सरकारद्वारा प्रतिबन्धित नेपाल कम्युनिष्ट पार्टीका महासचिव नेत्रविक्रम चन्द विप्लव भूमिगत छन् । उनको गाउँ कपिलबस्तुको शिवगढी नगरपालिका वडा नं ३ भगवानपुरमा सयौं नागरिकका लागि छोरा प्रकाश चन्दको नेतृत्वमा स्वास्थ्य शिविर गरिएको छ ।
भगवानपुरको नेपाल राष्ट्रिय आधारभूत विद्यालयमा विप्लव निकट जन स्वास्थ्यकर्मी महासंघको संयोजनमा शहिद स्मृति प्रतिष्ठानले निशुल्क स्वास्थ्य शिविर गरेको हो । शिविरबाट सयौं बिरामीले उपचार पाएका छन् ।
विप्लव पुत्र प्रकाश अहिले चितवन मेडिकल कलेजमा मेडिकल साइन्स अध्ययन गरिरहेका छन् । उनी जन स्वास्थ्यकर्मी महासंघका महासचिव समेत हुन् । राज्यले गर्नुपर्ने काम आफूहरुले गर्न बाध्य भएको बताउँदै उनले आगामी दिनमा यसलाई निरन्तरता दिने बताएका छन् ।
शिविरमा झण्डै १४ सय स्थानीयको सहभागिता थियो । शिविरका लागि विशेषज्ञ चिकित्सक, स्वास्थ्य कर्मी लगायत झण्डै ४० जनाको समूह शिवगढी पुगेको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
