दाङको घोराही उपमहानगरपालिका र चिनको सिचुवान प्रान्तको यान नगरपालिकाबीच भगिनी सम्बन्ध स्थापित हुने भएको छ ।
सोमवार बसेको प्रदेश ५ सरकारको मन्त्रिपरिषद् बैठकले त्यसका लागि संघीय सरकारलाई सिफारिस गरेको छ । मुख्यमन्त्री शंकर पोख्रलको चीन भ्रमणका बेला दुइ नगरबीच भगिनी सम्बन्ध स्थापित भएको घोषणा गरिने छ । त्यसका लागि घोराही उपमहानगरका प्रमुख नरुलाल चौधरी पनि चीन जानुहुनेछ ।
त्यस्तै बर्दियाको ठाकुरबाबा नगरपालिका र चीनको यान नगरपालिका र चीनकै गुइझाउ प्रान्तको लिउ मानसुई नगरपालिकाबीच भगिनी सम्बन्ध स्थापित गर्न संघीय सरकारलाई सिफारिस गर्ने निर्णय गरेको छ ।
भगिनी सम्बन्ध स्थापित भएपछि दुई नगरपालिकाबीच आपसमा विकास तथा सांस्कृतिक अनुभव आदान प्रदान हुने प्रदेश सरकारका प्रवक्ता बैजनाथ चौधरीले जानकारी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
