दाङको दुर्गम गाउँपालिका राजपुरको साधारण मावि सालभौरीमा कक्षा ९ देखि १२ सम्म प्राविधिक धार पशु विज्ञान पढाइ शुरु भएको छ ।
शिक्षा, विज्ञान तथा प्रविधिमन्त्री गिरिराजमणि पोख्रेलका प्रमुख सल्लाहकार जीवन गौतमले प्राविधिक शिक्षालयको उद्घाटन गर्नुभएको हो ।
कार्यक्रममा सल्लाहकार गौतमले दाङलाई शैक्षिक हब बनाउने योजनाअनुसार काम अघि बढिरहेको बताउनुभयो । पछिल्लो समय दाङमा कृष्णसेन बहुप्राबिधिक शिक्षालय, तुलसीपुर उपमहानगरपालिकाको साझेदारीमा तुलसीपुर बहुप्राबिधिक शिक्षालय, झण्डै डेढ दर्जन सामुदायिक विद्यालयमा प्राविधिक शिक्षा र यो बर्षदेखि थप चार वटा विद्यालयमा कक्षा ९ देखि १२ सम्म प्राविधिक धारको शुरुवात गरिएको उहाँले जानकारी दिनुभयो । दाङको सबैभन्दा धेरै पशुपालन हुने राजपुरमा पशु विज्ञान शुरु गरिएको भन्दै यसले जनताको जीवन र आर्थिक समृद्धिमा सहयोग पुग्ने विश्वास व्यक्त गर्नुभयो ।
प्रदेशसभा सदस्य रेवतीरमण शर्माले कृषिप्रति आकर्षण बढाउन यो शिक्षालय फलदायी हुने विश्वास व्यक्त गनुृभयो । नेकपाको सरकार बनेपछि मुलुक योजनाबद्ध समृद्धिको बाटोमा अघि बढेको पनि उहाँले बताउनुभयो ।
नेकपाका केन्द्रीय सदस्य निर्मल आचार्यले राज्यले शिक्षाको सम्पूर्ण दायित्व लिनुपर्ने उल्लेख गर्दै नेकपाको सरकार बनेपछि त्यसका लागि योजनाबद्ध प्रयास भइरहेको बताउनुभयो ।
नेकपाका अर्का केन्द्रीय सदस्य हेमराज शर्मा ‘डायमण्ड’ले राजनीतिक आन्दोलनमा उठेको वैज्ञानिक र व्यवहारिक शिक्षाको एजेण्डा कार्यान्वायनको चरणमा गएको बताउनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
