रुकुम पश्चिमको बाँफिकोट गाउँपालिका स्तरीय राष्ट्रपति रनिङ सिल्ड जनकल्याण माध्यामिक बिद्यालय जिपुले हात पारेको छ । वडा नम्वर २ मा रहेको माविले ७९ अंक सहित सिल्ड हात परेको हो ।
जनकल्याण माविले गाउँपालिकाका ८ ओटा बिद्यालयलाई पछि पार्दै ७९ अंक प्राप्त गरेको हो । सिल्डको शनिबार एक कार्यक्रमकाबिच गाउँपालिका अध्यक्ष धर्मबहादुर केसीले समापन गर्नुभएको छ ।
प्रथम हुँदै जनकल्याण मावि बाँफिकोट २ जिपु पिपलले सिल्ड, मेडल, कप र प्रमाणपत्र हात पारेको छ । त्यस्तै ४६ अंक सहित दोस्रो हुँदै स्यार्पुताल मावि बाँफिकोट ३ स्यार्पुदहले मेडल, कप र प्रमाणपत्र प्राप्त गर्दा ३६ अंक सहित तेस्रो हुँदै बाल कल्यान मावि सिम्तारुले कप, मेडल र प्रमाणपत्र पाएको छ ।
सिल्डमा सान्त्वना हुने नेपाल राष्ट्रिय मावि बाँफिकोट ८ दुली पोखराले भने प्रमाणपत्र मात्र प्राप्त गरेको छ । प्रतियोगीतामा विजयी हुने सबै खेलाडीहरुलाई गाउँपालिका अध्यक्ष धर्मबहादुर केसी र उपाध्यष मनकला पुनले अबिर आवरण सहित बधाई दिनुभएको थियो ।
अब अर्को वर्ष गाउँपालिका स्तरीय राष्ट्रपति रनिङ सिल्ड जनकल्यान मावि बाँफिकोट २ जिपु पिपलमा संचालन हुने छ । सिल्डमा छात्र, छात्रा भलिबल, कबड्डी, एथ्लेटिक्स अन्तरगत ट्रयाक र रिले दौड, उफ्रने, फ्याक्ने तर्फ हाईजम्प, लङजम्प, त्रिपलजम्म, सटफुट लगायतमा प्रतिस्पर्धा भएको बताइएको छ ।।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
