पूर्वसामान्य प्रशासनमन्त्री एवं प्रतिनिधिसभा सदस्य रेखा शर्माले नयाँ पुस्तालाई सूचना र प्रविधिसहितको शिक्षा दिनुपर्ने तर उनीहरुलाई कुलतबाट भने बचाउनुपर्ने बताउनुभएको छ ।
राप्ती इञ्जिनियरिङ कलेज घोराहीले सञ्चालन गरेको साताब्यापी खेलकूद कार्यक्रमको समापनका अवसरमा आयोजना गरेको कार्यक्रममा उहाँले यस्तो धारणा राख्नुभएको हो ।
विद्यार्थीले पाठ्यपुस्तकसँगै समाज र देश पनि पढ्नुपर्ने उल्लेख गर्दै उहाँले नयाँ पुस्ताले सूचना प्रबिधि प्रयोग गर्ने अवसर पाउनु राम्रो भए पनि यसको दुरुपयोगप्रति सचेत हुनुपर्ने बताउनुभयो । सूचना प्रविधिका कारण नयाँ पुस्ता गलत दिशातिर त गइरहेका छैनन्, समाजले यसतर्फ पनि ध्यान दिनुपर्ने उहाँले बताउनुभयो ।
नयाँ पुस्तालाई सामाजिकीकरण गर्नु अपरिहार्य भएको उहाँले बताउनुभयो ।
कलेजका अध्यक्ष शैलेन्द्र गिरीको अध्यक्षतामा भएको कार्यक्रममा कलेजका प्रबन्ध निर्देशक भीमसेन गरी, निर्देशक मधुसूदन वैद्य र नयाँ युगबोध दैनिकका सहसम्पादक नरेन्द्र केसीलगायत बोल्नुभएको थियो । प्रिन्सिपल रेशम गिरीको स्वागत मन्तव्यबाट शुरु भएको कार्यक्रम सञ्चालन शिक्षक माधव अधिकारीले गर्नुभएको थियो ।
सो क्रममा विभिन्न खेलका बिजेतालाई पदक र प्रमाणपत्र वितरण गरिएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
