पर्यावरणीय दिगो विकास तथा अनुसन्धान केन्द्रको आयोजनामा घोराही उपमहानगरपालिका २ बुकामा महिलाहरुबीच वक्तृत्वकला प्रतियोगिता भएको छ ।
पर्यावरण संरक्षणको क्षेत्रमा जुटेका महिलाको नेतृत्व विकासका लागि यो कार्यक्रम गरिएको हो ।
जसमा राधा पाण्डे प्रथम, देवका पाण्डे द्धितीय, रुक्मिणा घिमिरे र गोमा जीएम तृतीय भएका छन् । उनीहरुलाई नगद पुस्कार प्रमाणपत्र वितरण गरिएको थियो । प्रतियोगितामा निर्णायक शिक्षक बुद्धि धिताल र पत्रकार नरेन्द्र केसी रहनुभएको थियो ।
पर्यावरणीय दिगो विकास तथा अनुसन्धान केन्द्रका अध्यक्ष डिल्लीबहादुर रावतको अध्यक्षता र घोराही २ का वडा अध्यक्ष केशवराज आचार्यको प्रमुख आतिथ्यमा भएको कार्यक्रममा पंक्षी संरक्षण संघका कार्यक्रम अधिकृत भुपाल नेपालले बोल्नुभएको थियो भने कार्यक्रम सञ्चालन केन्द्रका कार्यक्रम संयोजक दिपेन्द्र लामिछानेले गर्नुभएको थियो ।
सो अवसरमा बुकामा अर्गानिक खेती गर्ने १ सय ९ जनालाइ काँक्राको बीउ निशुल्क वितरण गरिएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
