घोराही उपमहानगरपालिकाले गर्मीका कारण पढाईमा असर परेको भन्दै ५ दिन विद्यालय बन्द गर्ने निर्णय गरेको छ ।
घोराही उपमहानगर नगर शिक्षा समितिको आज बसेको बैठकले गर्मीले विद्यार्थीहरु बिरामी पर्न थालेको र विद्यालयमा उपस्थिती पनि न्यून हुदै गएपछि यही जेठ १६ गते देखी २१ गते मंगलबारसम्म ५ दिन विद्यालय बन्द गर्ने निर्णय गरेको हो ।
नगर शिक्षा समितिका अध्यक्ष नरुलाल चौधरीको अध्यक्षतामा बसेको बैठकले गर्मी बढ्दै जाँदा पढाई प्रभावित भएका सूचनाहरु आएपछि बर्षे बिदा कटाउने गरी ५ दिन सरकारी विद्यालयहरु बन्द गर्ने निर्णय भएको हो ।
यसअघि निजि विद्यालयहरुले आज देखी आगामी सुक्रबार सम्म गर्मी बिदा दिईसकेका छन् ।।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
