काठमाडौंको सुकेधारा बम विस्फोटमा मृत्यु भएका तीनै जना नेकपा विप्लव समूहका कार्यकर्ता भएको खुलेको छ ।
ज्यान गुमाउने एक जना दाङका पनि रहेका छन् । बबइ गाउँपालिका ३ दाङका गोकुल रानामगर ‘महान’को पनि निधन भएको छ । तत्कालीन जनमुक्ति सेनाको कम्पनी सहायक कमाण्डर रहेका राना रोल्पाको टिला क्याम्पबाट स्वेच्छिक अवकाशमा निस्केका थिए । उनी विप्लव नेकपामा काम गर्दैै आएका थिए ।
सुकेधारास्थित एक सैलुनमा बम बनाउने क्रममा विस्फोट हुँदा एक जनाको घटनास्थलमा मृत्यु भएको थियो भने दुई जनाको ओम अस्पतालमा उपचारका क्रममा मृत्यु भएको थियो ।
घटनामा ५ जना घाइते भएका छन् । घटना भएको झण्डै २४ घन्टासम्म मृतकको पहिचान खुल्न सकेको थिएन । सोमबार तीनै जनाको सनाखत भएको प्रहरी स्रोतले जनाएको छ ।
अन्य मृत्यु हुनेमा २७/२८ वर्षका कालिकोटका विभुराम भन्ने दिपेश विक र ठेगाना नखुलेका निरन्तर मल्लको रहेका छन् ।
त्यस्तै अनामनगर बिष्टफोटमा ज्यान गुमाउने प्रज्वल शाहीको हिजो नै सनाखत भइसकेको थियो । बझाङ घर भएका शाही अखिल क्रान्तिकारीका केन्द्रीय सदस्य थिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
