रुकुमपूर्व भूमे गाउँपालिका– ७ गुनाम गाउँमा छोराले बुवाको हत्या गरेका छन् ।
२० वर्षीय विरत विकले आफ्नै बुवा अन्दाजी ४२ वर्षीय रमन विकलाई खुकुरी प्रहार गरी हत्या गरेको प्रहरीले जनाएको छ ।
जिल्ला प्रहरी कार्यालय रुकुमपूर्वका प्रहरी निरीक्षक वीरबहादुर सुनारका अनुसार, आज बिहान ५ बजे रमनको खुकुरी प्रहार गरी हत्या गरिएको जानकारी दिनुभयो ।
हत्या आरोपमा छोरा विरतलाई प्रहरीले पक्राउ गरेको प्रहरी निरीक्षक सुनारले बताउनुभयो ।
प्रारम्भिक अनुसन्धानका अनुसार घरायसी कारणले हत्या भएको बताइएको छ ।
अहिले घटनाको थप अनुसन्धान भइरहेको जिल्ला प्रहरी कार्यालय रुकुमपूर्वले जनाएको छ ।
Facebook Comments
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
