नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीका केन्द्रीय सदस्य तथा भेरी ब्यूरो इन्चार्ज बलबहादुर ओली ‘शीतल’ पक्राउ पर्नुभएको छ ।
दाङ घर भएका केन्द्रीय सदस्य ओली केही समयदेखि भेरी ब्यूरो इञ्चार्जको रुपमा साविक भेरी अञ्चलमा कार्यरत हुनुुहुन्थ्यो ।
उहाँसहित सुर्खेत जिल्ला सेक्रेटरी खड्कबहादुर खड्का ‘यमराज’ पनि पक्राउ परेको नेकपा स्रोतले जनाएको छ । दुबै जनालाई सुर्खेतबाट पक्राउ गरिएको हो ।
सुर्खेतको भेरीउत्तरगंगा नगरपालिका ५ भजेनीबाट बिहान ९ बजेतिर पक्राउ परेको स्रोतले जनाएको छ ।
दुवै जनालाई अहिले जिल्ला प्रहरी कार्यालय विरेन्द्रनगर सुर्खेतमा राखिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
